 |
|
||||||||||||||||||||||
|
Reiteran denuncia por desaparición de persoas despois de incursión militar Real Win MP Huanta, Ayacucho O conselleiro rexional por Huanta, Zacarías Morales reiterou as denuncias dos poboadores do caserío de Pichis Río Seco, compresión de Huarcatán no distrito de Ayahuanco sobre a desaparición dun grupo de persoas, logo da intervención do exército en diversos caseríos do Val dos ríos Apurímac e Ene (VRAE), o pasado 14 de setembro. Ao respecto, Morales manifestou que os feitos acontecidos en dita zona e a denuncia da única sobrevivinte da intervención militar, Lucy Pichardo, é verdadeira, polo cal presentou un Habeas Corpus ante a Corte Superior de Xustiza de Ayacucho, solicitando ao presidente da República, ao Comandante Xeral do Exército, Edwin Donayre e ao minsitro de Defensa que expliquen o acontecido. Así mesmo, Zacarías Morales manifestou que se ten apresentado unha denuncia ante a segunda Suprafiscalía de Dereitos Humas de Ayacucho, pedindo que se envíe persoal que investigue o caso. Pola súa parte, o representante da Defensoría do Pobo de Ayacucho, Jorge Fernández Dávila, manifestou que o seu despacho enviou representantes á zona para investigar os sucesos denunciados pola señora Pichardo. Por outra banda, o gobernador do distrito de Llochegua, Edgar Ricra informou que elaborou un informe dando conta á gobernación rexional dos feitos acontecidos, sen embargo evitou amosar o contido do documento á prensa. Cabe sinalar que os poboadores da comunidade de Pichis Río Seco, compresión de Huarcatán no distrito de Ayahuanco da provincia de Huanta, denunciaron através de Radio Amauta, a desaparición de catro persoas e dous nenos o pasado 14 de septembro, tras unha incursión militar á zona. Lucy Pichardo, unha dos familiares das persoas desaparecidas acompañada polo tenente gobernador da zona, chegaron ata a provincia de Huanta para poñer en coñecimento que o pasado 14 de setembro forzas militares ingresaron en horas da noite á comunidade, con disparos ao ar, presumibelmente no marco dunha operación antidrogas. Despois do ingreso militar, chegaron dous helicópteros que procederon a bombardear a zona, xerando confusión e temor entre a poboación, onde moitos deles optaron por sair da comunidade. As persoas que foron declaradas coma desaparecidas, producto desta operación foron identificados coma: Os irmaos Máximo e Jesús Pichardo Fernández, Félix Canchanya Limache e Rosa Chávez, quen estivo acompañada dos seus dous menores fillos Moisés e Fresalinda. Na véspera, pese ás testemuñas e declaracións, o Ministro de Defensa Antero Flores Araoz negou que teñan existido detidos ou desaparecidos durante as últimas operacións militares no Val dos Ríos Apurímac e Ene (VRAE). |